दोस्रो सातामा ‘रङ्गेली’, दोस्रो ट्रेलर रिलिज

आजबाट फिल्म ‘रङ्गेली’ दोस्रो सातामा प्रवेश गरेको छ । अर्जुन सुवेदीको निर्देशनमा तयार भएको यो फिल्मले पहिलो सातामा औषत व्यापार गर्यो । निर्माणपक्षले पहिलो साताको व्यापारबाट आफूहरू उत्साहित भएको बताएको छ । 

फिल्म दोस्रो सातामा प्रवेश गरेपछि यसको निर्माणपक्षले प्रचारको नयाँ सामाग्री पनि सार्वजनिक गरेको छ । यसको निर्माणपक्षले फिल्मको दोस्रो ट्रेलर सार्वजनिक गरेको छ । जहाँ, फिल्मको मुख्य पात्र ‘विजय’को उदयलाई स्थान दिइएको छ । 

यो फिल्ममा दयाहाङ राई, अर्पण थापा, मिरुना मगर, प्रवीण खतिवडा लगायतका कलाकारको अभिनय छ । सार्वजनिक दोस्रो ट्रेलरमा रंगेलीमा विजयको उदय कसरी भयो भन्ने देखाइएको छ । 

अर्जुन सुवेदीकै लेखन रहेको यो फिल्ममा जितेन्द्र खतिवडा र अनुज जंग थापा कार्यकारी निर्माताको रुपमा छन् । फिल्ममा संसार चौलागाईं र रमेश भट्टराई निर्माताको रुपमा छन् । सुशन प्रजापतिले खिचेको यो फिल्ममा निमेष श्रेष्ठको सम्पादन छ ।