‘पिताम्बर’मा विपिनको इन्ट्री, तिहारमा रिलिज गर्ने तयारी

कृषा चौलागाईंको निर्देशनमा तयार भइरहेको फिल्म ‘पिताम्बर’मा स्टारहरूको लामो लाइन लागेको छ । यो फिल्मको शीर्ष भूमिकामा नायक प्रदीप खड्काले काम गर्दैछन् । फिल्मको १० दिन लामो पहिलो सेड्यूलमा भने प्रदीप जोडिएका थिएनन् । अब, फिल्मको सेकेन्ड सेड्यूलमा भने प्रदीप जोडिनेछन् । 

फिल्म ‘पिताम्बर’मा सौगात मल्ल, प्रमोद अग्रहरी, आँचल शर्मा, सुरक्षा पन्त, सुपुष्पा भट्ट लगायतका कलाकारको पनि अभिनय रहनेछ । 

विशेष स्रोतले मेरो फिल्मलाई दिएको जानकारी अनुसार, यो फिल्ममा अब नायक विपिन कार्कीको पनि प्रवेश भएको छ । विपिनको फिल्ममा विशेष भूमिका रहने बुझिएको छ । 

योसँगै फिल्ममा प्रदीप, सौगात र विपिन जस्ता स्टारहरू एकसाथ देखिने भएका छन् । 

यो फिल्म महँगो बजेटमा निर्माण भइरहेको छ । फिल्मको दोस्रो सेड्यूलको छायांकन वैशाखमा सुरु हुनेछ । 

यो फिल्मलाई आउँदो बर्षको तिहारमा रिलिज गर्ने तयारी समेत भइरहेको बुझिएको छ । तर, यो मितिमा प्रदीप खड्काको नै अभिनय रहने फिल्म ‘एक्टर’कोृ पनि प्रदर्शन मिति तय भइसकेको छ ।

यसैले, ‘पिताम्बर र एक्टर’को टिमले तिहारको मिति कसरी मिलाउँछन्, त्यो भने हेर्न बाँकी छ ।