‘उपहार’को ‘खाडीमा भेटौंला’ गीत रिलिज

फिल्म ‘उपहार’को गीत रिलिज भएको छ । फागुनको २५ गतेबाट रिलिजमा आएको फिल्मको नयाँ गीत निर्माणपक्षले सार्वजनिक गरेको हो । यो फिल्मले बक्स अफिसमा सुखद कमाई गरिरहेको छ । 

फिल्ममा समावेश ‘खाडीमा भेटौंला’ बोलको गीत सार्वजनिक गरिएको हो । सार्वजनिक गीतमा मोहन नेपालीको स्वर, अर्जुन पोखरेलको संगीत, प्रमोद ढुंगानाको शब्द छ । 

सार्वजनिक गीतको भिडियोमा फिल्मका मुख्य कलाकारहरु रेखा थापा, मुकुन भुषाल र राइडर प्रशान्त फिचर्ड छन् । यो गीतको भिडियोले प्लस टू सकेपछि भेट भएका साथीहरुले अबको भेट खाडीमा हुनेछ भनेर पोखेको बेदनालाई उल्लेख गरिएको छ । 

यो फिल्ममा रेखा थापा, पूजा शर्मा, बेनिशा हमाल, मुकुन भुषाल, तेज गिरी, समर्पण जंग कार्की, शिशिर राणा लगायतका कलाकारको अभिनय छ । 
ज्ञानेन्द्र देउजाको निर्देशनमा तयार भएको यो फिल्मका कार्यकारी निर्माता बलराम शाही ठकुरी हुन् । फिल्ममा सुलभ प्रतिक र समीक्षा देउजाको लगानी छ । 

फिल्मले बक्स अफिसमा सुखद कमाई गरेपछि यसको निर्माणपक्ष उत्साहित छ ।