‘बोक्सीको घर’को टिजर सार्वजनिक

फिल्म ‘बोक्सीको घर’को टिजर सार्वजनिक भएको छ । नायिका केकी अधिकारीको मुख्य भूमिका रहेको यो फिल्मको टिजरमा समाजमा प्रचलित कुप्रथाको कथालाई उठान गरेको छ ।

८ बर्ष अघि मञ्चन भएको नाटक ‘बोक्सीको घर’ माथि रहेर यो फिल्म तयार पारिएको हो । महिलालाई बोक्सीको आरोप लगाई समाजले उनीहरूमाथि गर्ने शोषणको वरिपरि रहेर फिल्मको निर्माण भएको छ । 

केकी अधिकारी फिल्मस्को ब्यानरमा निर्माण भएको यो फिल्म वैशाखको १४ गतेबाट रिलिजमा आउँदैछ । सुलक्षण भारतीको लेखन तथा निर्देशन रहेको यो फिल्ममा बद्री अधिकारीको लगानी छ । फिल्मका कार्यकारी निर्माता राज घिमिरे हुन् । 

फिल्ममा सुपला सापकोटा, स्वेच्छा राउत, सुलक्षण भारतीय, रमा थपलिया, सुष्मा निरौला, सबिन बास्तोला लगायतका कलाकारको अभिनय छ । शिवराम श्रेष्ठले खिचेको फिल्ममा लोकेश बज्राचार्यको सम्पादन छ ।