अनुलाई ‘ईश्वर’को भर

नायिका अनु शाहले फिल्म ‘ईश्वर’मा ५ बर्षपछि काम गरिन् । अनुलाई फिल्मको अफर नै एकदमै कम जाने गरेको छ । तर, उनी नायक सविन श्रेष्ठसँगको प्रेम सम्बन्धका कारण चर्चामा छिन् । 

अनुले फिल्म ‘पसिना’मा मुख्य नायिकाको रुपमा काम गरेपछि नयाँ फिल्ममा काम गरेकी थिइन् । उनै, अनुले राजु गिरीको निर्देशनमा तयार भइरहेको फिल्म ‘ईश्वर’मा काम गरेकी हुन् । 

यो फिल्ममा कलाकार पृथ्वीराज प्रसाँई अनुको जोडीको रुपमा छन् । यो फिल्मको छायांकन २७ दिनमा सकिएको छ । पोखरा र हेम्जाकोटमा फिल्मको छायांकन भएको निर्माणपक्षले बताएको छ । 

यो फिल्ममा सुनिल थापा, सबिन बास्तोला, माओत्से गुरुङ, रविन्द्र झा, वुद्दि लामा, शिशिर वाङ्देल लगायतका कलाकारको अभिनय छ । 

लक्ष्मी कुँवरको प्रस्तुतिमा तयार भएको फिल्ममा भोजराज देवकोटाको पटकथा तथा संवाद छ । रामेश्वर हुमागाँइको छायांकन रहेको फिल्मका निर्मातामा हरिबहादुर थापा र शंकर गिरी छन् । 

यो फिल्ममा काम गर्नु अगाडि नायिका शाह म्युजिक भिडियो र युट्युब भ्लगमा बढी व्यस्त थिइन् ।