‘महाजात्रा’को ट्रेलरः कमेडी कथामा देशको गम्भिर बिषयको उठान

चैत्रको ९ गतेबाट रिलिजमा आउन लागेको फिल्म ‘महाजात्रा’को ट्रेलर सार्वजनिक भएको छ । प्रदीप भट्टराईको लेखन तथा निर्देशनमा तयार भएको यो फिल्मको ट्रेलरमा कमेडी संवादहरू उत्कृष्ट छन् ।

रविन्द्र सिंह बानियाँ कार्यकारी निर्माता रहेको फिल्ममा म्याक्स दीपेश खत्री र यज्ञश्वर पौडेलको लगानी छ । 

यो फिल्मको ट्रेलरले विशेषगरि, कालो धन लुकाउनका लागि बेरोजगार युवाहरूलाई नेताहरूले कसरी प्रयोग गर्छन् भन्ने कथालाई कमेडीको माध्यमबाट उठाएको छ । 

फिल्ममा हरिवंश आचार्य, विपिन कार्की, रविन्द्र सिंह बानियाँ, रविन्द्र झा, वर्षा राउत, अर्जुन जंग शाही, शिशिर वाङ्देल, मोहन निरौला, पुष्कर गुरुङ, प्रकाश घिमिरे, गौमाया गुरुङ, दिव्य देव, सुमन कार्की, प्रवीण खतिवडा, रजनी गुरुङ लगायतका कलाकारको अभिनय छ । 

पुरुषोत्तम प्रधानको छायांकन रहेको यो फिल्ममा मित्र डी गुरुङको सम्पादन, कविराज गहतराजको कोरियोग्राफी छ ।