‘उपहार’को ‘कहिले बार विर्सन्छु’ गीत सार्वजनिक

फागुनको २५ गतेबाट रिलिजमा आउन लागेको फिल्म ‘उपहार’मा समावेश नयाँ गीत ‘कहिले बार बिर्सन्छु’ सार्वजनिक भएको छ । फिल्म रिलिजका लागि एक साता बाँकी रहेको अवस्थामा निर्माणपक्षले तेस्रो गीत रिलिज गरेको हो । 

रेखा फिल्मस् र कपनगढी फिल्मस्को ब्यानरमा निर्माण भएको फिल्मको यो गीतमा अञ्जु पन्त र सैराज खातीको स्वर, इन्दिरा अधिकारीको शब्द, अर्जुन पोखरेलको संगीत छ । 

यो गीतको भिडियोलाई कविराज गहतराजले कोरियोग्राफी गरेका हुन् । फिल्ममा विष्णु घिमिरे ‘कल्पित’को छायांकन छ । 

ज्ञानेन्द्र देउजाको निर्देशनमा तयार भएको यो फिल्ममा रेखा थापा, मुकुन भुसाल, पूजा शर्मा, समर्पण जंग कार्की, बेनिशा हमाल र तेज गिरी मुख्य भूमिकामा छन् । यो गीतमा पनि यी ६ जना कलाकारलाई नै फिचरिङ गरिएको छ । फिल्ममा शिशिर राना, सुष्मा कार्की, अञ्जु महर्जन, आशा भुसाल लगायतका कलाकारको पनि अभिनय छ । 

बलराम शाही ठकुरी कार्यकारी निर्माता रहेको यो फिल्ममा सुलभ प्रतीक र समीक्षा देउजा निर्माताको रुपमा छन् । फिल्ममा मित्र डी गुरुङको सम्पादन, सुलक्षण भारतीको कथा, भारतीका साथै अभिमन्यु निरवी र माधव शर्माको पटकथा तथा संवाद, रोशन श्रेष्ठको एक्सन निर्देशन छ । यो फिल्मले बक्स अफिसमा सुखद कमाई गर्ने विश्वास गरिएको छ ।