दिवाकरको ‘राजा’मा राजको जोडी नीति

नायिका नीति शाहको व्यस्तता ह्वात्तै बढेको छ । उनले हालै मात्र फिल्म ‘खजुरे ब्रो’को छायांकन सकाएकी छिन् । उनै, नीतिले सविर श्रेष्ठको निर्देशनमा तयार हुने फिल्म ‘रुखान’ पनि साइन गरिसकेकी छिन् । 

अब, नीतिले दिवाकर भट्टराईको निर्देशनमा तयार हुन लागेको फिल्म ‘राजा’मा पनि काम गर्ने पक्का भएको छ । निर्माणपक्षले नीतिसँग कागजी संझौता गरिसकेको वुझिएको छ । 

यो फिल्मको शीर्ष भूमिकामा नायक राज कटुवालले काम गर्ने पक्का भइसकेको छ । यही फिल्मका लागि राजले लामो समयदेखि शरीर समेत बनाइरहेका छन् । 

यो फिल्मको घोषणा भएको केही बर्ष भइसकेको छ । तर, अब केही दिनमै फिल्मको छायांकन सुरु गर्ने तयारीमा यसको निर्माणपक्ष रहेको वुझिएको छ । निर्माता तथा नायक राज कटुवालले पनि फिल्मको तयारी तीव्र पारिएको बताएका छन् । 

नीति र राजले पहिलो पटक पर्दा शेयर गर्न लागेका हुन् । करिअरको केही बर्ष फिल्म साइन गरेर पनि नबनेपछि निराश बनेकी नीति अहिले भने धमाधम फिल्ममा काम गरिरहेकी छिन् ।