‘गोर्खा वारियर’ले पायो धरान प्रिमियरमा उत्कृष्ट प्रतिक्रिया

फागुनको ११ गतेबाट रिलिजमा आउन लागेको फिल्म ‘गोर्खा वारियर’को प्रिमियर धरानमा गरिएको छ । धरानको बराहा भवनमा अवस्थित फ्रेन्ड्स सिनेमाज् हलमा फिल्मको भव्य प्रिमियर भएको हो । 

निर्देशक मिलन चाम्स र उनको टिमले भव्य रुपमा प्रिमियर गर्दै गर्दा प्रतिक्रिया पनि उत्कृष्ट पाएको छ । 

शनिबार बेलुकी आयोजित प्रिमियर कार्यक्रममा कोशी प्रदेशका केदार कार्कीको प्रमुख अतिथिको रुपमा उपस्थित थिए । यस्तै, धरानका मेयर हर्क साम्पाङ विशिष्ट अतिथिको रुपमा उपस्थित भएका थिए । प्रिमियर अगाडि फिल्मको टिमले धरानमा र्‍याली आयोजना गरेको थियो । बाजा बजाएर अतिथीहरुले स्वागत गरिएको थियो । 

फिल्मको प्रिमियरमा विभिन्न राजनीतिक दलका नेतादेखि फिल्मका मुख्य कलाकारहरू विजय लामा, रितेश चाम्स, रेबिका गुरुङ, विजय लामाको साथमा निर्माता सुमन राई, सह–निर्माता ज्योती राज राई उपस्थित थिए । 

फिल्म हेरेपछि मुख्य मन्त्री कार्कीले निर्देशक मिलन चाम्सले गोर्खा सैनिकको जीवन संघर्षको कथालाई उठान गरेको बताए । यस्तै, मेयर साम्पाङले आफूले हेरेका फिल्ममध्ये ‘गोर्खा वारियर’ सबैभन्दा उत्कृष्ट बनेको बताए । उनले, फिल्म हेर्दा आफूले आँसु रोक्न नसकेको बताए । 

यो फिल्मले सन् १९४९ मा मलायाको जंगलमा बेलायती सेनामा आबद्ध गोर्खा सैनिकले देखाएको वीरताको कथालाई उठान गरेको छ ।