‘रङ्गेली’मा दयासँग रोमान्टिक मिरुना

नेपाली फिल्म क्षेत्रमा नायक दयाहाङ राई र नायिका मिरुना मगरको जोडी अहिलेको समयमा सर्वाधिक सफल मानिन्छ । यी दुईले अभिनय गरेका तीन फिल्मले सुपरहिटको व्यापार गरेपछि चर्चा पनि बढेको हो । यी दुईलाई लिएर फिल्म बनाउन निर्माताहरू उत्साहित पनि छन् । 

यी दुईले अभिनय गरेको फिल्म ‘रङ्गेली’ फागुनको २५ गतेबाट रिलिजमा आउँदैछ । फिल्ममा दया र मिरुना श्रीमान–श्रीमतीको भूमिकामा देखिदैछन् ।

यसैबिच, निर्माणपक्षले यी दुईको रोमान्टिक तस्वीरहरु सार्वजनिक गरेको छ । 

फागुनको २५ गते महाशिवरात्रिको दिन विश्वव्यापी रुपमा रिलिज हुन लागेको यो फिल्ममा अर्पण थापाको पनि मुख्य भूमिका छ । अर्जुन सुवेदीको लेखन तथा निर्देशन रहेको फिल्ममा प्रवीण खतिवडा, रमेश वुढाथोकीको पनि अभिनय छ ।

फिल्ममा सुशान्त गौतम र हर्कुलस बस्नेतको संगीत, सुशन प्रजापतिको छायांकन छ । जितेन्द्र खतिवडा र अनुज जंग थापा कार्यकारी निर्माता रहेको फिल्मको संसार चौलागाई र रमेश भट्टराई निर्माता हुन् ।

युवक कार्की र शिव शंकर चौलागाई सह–निर्माता रहेको फिल्ममा विवेक खड्का एसोसियट निर्माताको रुपमा छन् ।