दया, सुरक्षा र शिल्पाको ‘कार्साङ’को स्क्रिप्ट पुजा, श्रृजनाको डेब्यू पक्का

यार्सा फिल्मस्को प्रस्तुतिमा पुरुषोत्तम प्रधान फिल्मस्को ब्यानरमा निर्माण हुन लागेको फिल्म ‘कार्साङ’को कलाकार फाइनल गर्दै स्क्रिप्ट पूजा गरिएको छ ।

यम शेर्पाको निर्देशनमा बन्न लागेको फिल्मको स्क्रिप्ट पूजामा मुख्य कलाकारहरू, प्राविधिक टिम र निर्माण टिमको  उपस्थिति थियो । यो फिल्मको मुख्य कलाकारहरूमा दयाहाङ राई, वुद्दि तामाङ, शिल्पा मास्के, सुरक्षा पन्त छन् ।

यसै फिल्मबाट नव–नायिकाको रुपमा सृजना निङलेकुले डेब्यू गर्दैछिन् । यस्तै, यो फिल्ममा दिया मास्के, माओत्से गुरुङ, पुस्कर गुरुङ र छिरिङ शेर्पा, सम्राट क्षेत्री, छुकी शेर्पा र कर्मा शेर्पाको अभिनय छ ।

फिल्मको कथा, पटकथा तथा संवाद पनि यमले नै लेखेका हुन् । गोविन्द बोहरा निर्माता रहेको फिल्मले शेर्पा जातिको सामाजिक कथालाई देखाउनेछ ।

पुरुषोत्तम प्रधानको छायांकन रहने फिल्मको केही दिनमै बाह्रबिसे नगरपालिका र भोटेकोसी गाउँपालिकाका विभिन्न स्थानमा छायांकन गरिनेछ ।