‘काँडेतार’ ट्रेलरः नेपाल हाम्रो घर हो, डेरा होइन’

फिल्म ‘काँडेतार’को ट्रेलर सार्वजनिक गरिएको छ । सामना फिल्मस् प्रा.लिको प्रस्तुतिमा तयार भएको यो फिल्ममा नवल खड्काको कथा, निर्माण र निर्देशन छ । फिल्मको कार्यकारी निर्माता सत्यकला राई हुन् ।

फिल्ममा मक्किको राई, अञ्जु केसी, नाडिया खड्का र सानिया खड्का निर्माताको रुपमा छन् । शिवम् अधिकारी र नवल खड्काको फिल्ममा पटकथा छ । 

यो फिल्ममा नवल खड्का, गौरव पहारी, सुरबिना कार्की, रेबिका गुरुङ, प्रशान्त यादव, मुरलिधर, प्रेम सुब्बा, संजय खतिवडा लगायतका कलाकारको अभिनय छ । 

फिल्ममा बन्दे प्रसाद र तारा थापाको सम्पादन, सौरभ लामाको छायांकन, मणी थापा र दीपक शर्माको संगीत, श्री श्रेष्ठको एक्सन निर्देशन, कविराज गहतराजको कोरियोग्राफी छ । 

यो फिल्मले नेपाल र भारतको सम्बन्धको कथालाई बताएको छ । साथै, नेपालको सीमा स्तम्भमाथि भारतले बारम्बार गर्ने खेलबाडको कथालाई पनि यो फिल्मले प्रस्तुत गरेको छ । नेपाल र भारतको सिमानामा काँडेतार लगाउनुपर्छ भन्ने मुख्य थिममा यो फिल्म बनेको वुझ्न सकिन्छ ।