हलमा लागे ‘हात्तीछाप र दयारानी’

प्रिमियरबाट सुखद प्रतिक्रिया पाएका दुई नेपाली फिल्म ‘हात्तीछाप र दयारानी’ आजबाट देशभरका हलमा रिलिज भएका छन् । यी दुई फिल्म नेपालसँगै अष्ट्रेलीयामा पनि रिलिजमा आएका छन् । 

यी दुवै फिल्मबाट नेपाली फिल्म क्षेत्रले उच्च अपेक्षा गरेको छ । ३ महिना लामो बक्स अफिसको खडेरी यी दुई फिल्मले चिर्ने अपेक्षा गरिएको छ । 

‘बोतल राजा’ र एक साधारण यूवकको कथामा समावेश फिल्म ‘हात्तीछाप’लाई सिमोस सुनुवारले निर्देशन गरेका हुन् । किरण नेपालीको प्रस्तुतिमा तयार भएको यो फिल्ममा दयाहाङ राई, सौगात मल्ल, उपासना सिंह ठकुरी, विजय बराल, पुष्कर गुरुङ, बेनिशा हमाल, विल्सन विक्रम राई, बुद्धि तामाङ, कमलमणी नेपाल, सुष्मा निरौला लगायतका कलाकारको अभिनय छ । 

यस्तै, फिल्म ‘दयारानी’लाई माओत्से गुरुङले निर्देशन गरेका हुन् । फिल्ममा दयाहाङ राई, दिया पुन र विजय बरालको मुख्य भूमिका छ । यो फिल्मले निसन्तान दम्पतीको कथालाई फिल्ममा प्रस्तुत गरेको छ । 

यी दुवै फिल्मले बक्स अफिसमा सुखद कमाई गरेको खण्डमा नेपाली फिल्म क्षेत्रले भने राहतको श्वास फेर्नेछ । दुवै फिल्ममा दयाहाङ राई मुख्य भूमिकामा रहेकाले पनि यी दुवै फिल्म चलेको खण्डमा उनका आगामी रिलिज हुन लागेका फिल्मका निर्माताहरूलाई पनि राहत हुनेछ ।