‘दयारानी’लाई देशभर ११३ शोज

शुक्रबारदेखि रिलिजमा आउन लागेको फिल्म ‘दयारानी’को बूकिङ देशभरका हलमा खुलेको छ । माओत्से गुरुङको निर्देशनमा तयार भएको यो फिल्मलाई देशभरका हलबाट ११३ शोज मिलेको छ ।

यो फिल्मलाई क्यूएफएक्स चेनले देशभरका हलमा ३६ शोज दिएको छ । यस्तै, बिग मुभिजले ६ शो, वान सिनेमाजले नयाँ बानेश्वर र कालिमाटीमा गरेर ९ शोज, एफक्यूबले ४ शोज, आइएनआइएले १२ शोज दिएका छन् । 

यो फिल्म नेपालसँग माघको २६ गते अमेरिकामा रिलिज हुनेछ । यस्तै, अमेरिकामा भने फिल्म माघको २५ गतेबाट रिलिज हुनेछ । अमेरिकाका हलमा यो फिल्मलाई १ सय ९७ शोज, अष्ट्रेलीयाका हलमा १ सय ८० वटा शोज मिलेको निर्माणपक्षले बताएको छ ।

फिल्मको अन्तराष्ट्रिय वितरक सेभेन सीज इन्टरटेन्मेन्टले दिएको जानकारी अनुसार यो फिल्म मध्यपूर्व फेब्रुअरी १५ मा रिलिज हुनेछ भने बेलायतसहित युरोपेली मुलुकहरूमा फेब्रुअरी १६ बाट रिलिज हुनेछ । 

बाँसुरी फिल्मस् र माओत्से फिल्मसको ब्यानरमा निर्माण भएको यो फिल्ममा शैलेन्द्र ध्वज कार्कीको छायांकन छ । फिल्ममा दयाहाङ राई, दीया पुन, विजय बराल, प्रमिसा गुरुङ, पुस्कर गुरुङ, टीकाराम घले लगायतका कलाकारको अभिनय छ । रामबाबु गुरुङ र अपिल विष्ट फिल्मका कार्यकारी निर्माता हुन् ।