यस्तो छ ‘सिटामोल’मा सौगात र बेनिशाको लुक्स

सिन्धुलीमा छायांकन भइरहेको फिल्म ‘सिटामोल’को सेटबाट यसका मुख्य दुई कलाकार नायक सौगात मल्ल र नायिका बेनिशा हमालको लुक्स बाहिरिएको छ । सार्वजनिक लुक्समा सौगात र बेनिशा श्रीमान् श्रीमतीको भूमिकामा देखिएका छन् । 

सार्वजनिक तस्विर हेर्दा बेनिशा काखमा सन्तान लिएर बसेकी छिन् भने सौगातको हातमा कुखुराको भाले छ । तस्विरले यो चलचित्र ग्रामीण भेगको कथामा तयार भएको बुझ्न सकिन्छ । राज बहादुर सानेको निर्देशनमा बनिरहेको यो फिल्मको ५० प्रतिशत छायांकन सकिएको निर्माणपक्षले बताएको छ । 

सामाजिक कथावस्तुमा तयार भइरहेको यो फिल्मको कथा प्रदीप भारद्वाजले लेखेका हुन् । निर्माणको घोषणा भएको २ बर्षपछि बल्ल यो फिल्मको छायांकन सुरु भएको थियो । फिल्ममा सौगात र बेनिशाको लुक्सले दर्शकलाई उत्साहित बनाउने पक्का छ । यो फिल्मको प्रदर्शन मिति भने तय गरिएको छैन ।