बढ्दैछ वर्षाको व्यस्तता, लाइनअपमा ३ फिल्म

फिल्म ‘परदेशी २’ हिट भएपनि त्यसको क्रेडिट नायिका वर्षा सिवाकोटीमा गएन । फिल्मको क्रेडिट निर्देशक नारायण रायमाझीले नै लिए । 

यसपछि, वर्षाको करिअर के होला भन्ने प्रश्न पनि उठेको थियो । तर, वर्षाले आफूलाई व्यस्त भने राखिरहेकी छिन् । वर्षाले साइन गरेको फिल्म ‘काजी’को छायांकन सुरु हुन सकेको छैन । यसका निर्देशक लक्ष्मण रिजाल नायक विपिन कार्कीको समय कुरिरहेका छन् । यो फिल्मको छायांकन नेपाल र बेलायतमा हुनेछ । 

तर, वर्षाको हातमा भने अन्य २ फिल्म पनि छन् । वर्षाले यादव कुमार भट्टराईको निर्देशनमा बन्न लागेको फिल्म ‘झिल्को’ साइन गरिसकेकी छिन् । यो फिल्मको शुभसाइत समेत भइसकेको छ । 

यस्तै, अब वर्षा फिल्म ‘मोदिबेनी’मा पनि जोडिएकी छिन् । यो फिल्मको पनि आज शुभसाइत भएको छ । 

यसरीहेर्दा, वर्षाको लाइनअपमा ३ फिल्म देखिएको छ । यी तीन फिल्मले गर्ने व्यापारले वर्षाको करिअरको आगामी दिशा कोर्नेछ । तर, वर्षा भने व्यस्त भएकी छिन् ।