सलोनको ‘यूनिभर्सिटी अफ गुन्डाज्’बाट सलिनको कमब्याक पक्का

फिल्म ‘यात्रा’मा काम गरेपछि फिल्म क्षेत्रबाट टाढा जस्तै देखिएका नायक सलिनमान बनियाँको कमब्याक पक्का भएको छ । उनले, आफ्ना साथी सलोन बस्नेतको फिल्मबाट कमब्याक गर्ने पक्का भएको हो । 

सलोन–सलिना फिल्मसको ब्यानरमा निर्माण हुन लागेको नयाँ फिल्मबाट सलिनले कमब्याक गर्ने पक्का भएको हो । फिल्मका निर्माता तथा नायक सलोन बस्नेतले मेरो फिल्मसँग कुरा गर्दै भने–‘हामीले फिल्म बनाउने पक्का भएको हो । फिल्मको छायांकन अर्को बर्षबाट सुरु हुनेछ । अहिले स्क्रिप्टमा काम भइरहेको छ ।’

सलोनका अनुसार, फिल्मको नाम ‘युनिभर्सिटी अफ गुन्डाज्’ राखिएको छ । यो फिल्मलाई एक्सन धारमा बनाउने सलोनले बताए । 

सलोनले, फिल्मका निर्देशक फाइनल नभएको बताए । उनले भने–‘अहिले केही निर्देशकहरूसँग कुरा भइरहेको छ । हामी चाँडै नै पक्का गर्छौ ।’ फिल्मका लागि अहिले आफू र सलिन मात्र फाइनल भएको सलोनले जानकारी दिए । 

फिल्म ‘ए मेरो हजुर २’बाट डेब्यू गरेका सलोनले दोस्रो फिल्म ‘यात्रा’मा काम गरेपछि नयाँ फिल्ममा काम गरेका छैनन् । अब, भने उनले फिल्ममा काम गर्ने पक्का भएको छ ।