रेखाको नाम नलिई लिङ्देनले भने–‘एउटा कलाकार सन्तान जन्माउन अमेरिका पुग्दैछिन्’

आफ्नो पहिलो सन्तानलाई जन्म दिनका लागि अमेरिका पुगेकी नायिका रेखा थापाले केही दिन अगाडि मात्र बेबी सावर गरिन् । रेखाले सन्तानलाई अमेरिकामा जन्म दिन लागेपछि विभिन्न तरिकाले यसको टिप्पणी भइरहेको छ । 

अब, रेखाकै पार्टी राप्रपाका अध्यक्ष राजेन्द्र लिङदेनले पनि उनीप्रति घुमाउरो तरिकाले व्यङ्ग्य गरेका छन् । रेखाको नाम नलिई अध्यक्ष लिङदेनले भने–‘अस्ती भर्खर एक जना चर्चित कलाकारले बेबी प्लान भनेर पोष्ट गर्नुभयो । उहाँले प्लेन उडेको देखेर अमेरिका लेख्नुभयो । नानी जन्माउन अमेरिका पुग्नुभएको रहेछ । एउटा महिलाले पहिलो पटक प्राप्त गर्ने सन्तान अब नेपालमा जन्माउन चाहँदैन भने, उ नेपाली नहोस्, नेपाली नहुनुमा आफ्नो सन्तानको भविष्य देख्न थाल्छ भने देशको अवस्था, राष्ट्रियताको अवस्था कहाँ पुग्यो ?’

उनले, रेखाको नाम नलिई उनको उदाहरण दिए र देशको अवस्थाको बारेमा टिप्पणी गरे । 

नायिका रेखा थापा सन्तानलाई जन्म दिन केही साता अगाडि मात्र अमेरिका उडेकी  थिइन् । उनले, केही दिनमै सन्तानलाई जन्म दिदैछिन् ।