आर्यनको केमियोले ‘रंगेली’लाई कती फाइदा ?

फागुनको २५ गतेबाट रिलिजमा आउन लागेको फिल्म ‘रंगेली’ कलाकारहरूका कारण  पनि चर्चामा छ । यो बर्ष नै फिल्म ‘नाङ्गो गाउँ’ हिट दिएर बक्स अफिसमा सफलताको ह्याट्रिक गरेका नायक दयाहाङ राई र नायिका मिरुना मगरको यो जोडी फिल्ममा देखिँदैछ । साथमा, फिल्ममा अर्पण थापाको गेटअपले पनि दर्शकको ध्यान खिचेको छ । 

यसैबिच, यो फिल्ममा नायक आर्यन सिग्देलको पनि प्रवेश भएको छ । फिल्ममा नायक आर्यन सिग्देलले केमियो भूमिका गरेका छन् । जुन केमियो दर्शकका लागि पनि सरप्राइज हुने विश्वास निर्माणपक्षको छ । 

अर्जुन सुवेदीको निर्देशनमा तयार भएको यो फिल्मलाई ग्याङ स्टारको कथामा तयार पारिएको छ । आर्यनको केमियोको बारेमा भने निर्माणपक्षले केही पनि बताएको छैन । 

तर, आर्यनको केमियो पर्दामा आउँदा दर्शकलाई उत्साह पैदा हुने विश्वास निर्माणपक्षको छ । फिल्मको टिजर सार्वजनिक भइसकेको छ । टिजरले पाएको प्रतिक्रियाबाट निर्माणपक्ष उत्साहित छ ।