रमितले घोषणा गरे ‘नमेटिने घाउ’, एसिड आक्रामणको बिषयमा फिल्म बन्ने

नायक रमित ढुंगानाले नयाँ फिल्म ‘नमेटिने घाउ’ निर्देशनको घोषणा गरेका छन् । यही फिल्मबाट रमितले निर्देशनमा हात समेत हालेका छन् । 

विगत १० बर्षमा नेपालमा ३३ जनामाथि एसिड आक्रमण भएको भन्दै रमितले यो विषय उठाउन आवश्यक रहेको बताए । 

रमित ढुंगाना फिल्म प्रोडक्शनको ब्यानरमा निर्माण हुन लागेको यो फिल्ममा ओम सुनारको संगीत, शिवम् अधिकारीको कथा रहेको छ । 

नेपाली फिल्म क्षेत्रमा कुनै समय राम्रो क्रेज बनाएका रमित केही समयदेखि रोमान्टिक फिल्मबाट टाढा छन् । उनले, फिल्म ‘बुद्ध बोर्न इन नेपाल’ निर्माण गरेपछि यसैको प्रचार र रिलिजका लागि समय दिए । 

रमितले एसिड आक्रमणको कथामा फिल्म बनाउने चर्चा लामो समयदेखि चलेको थियो । अब, भने उनी फिल्म निर्देशनमा आउने पक्का भएको छ ।