अष्ट्रेलियामा नेपाल प्रहरीसँग लियाम निसनको द्धन्द्ध

अष्ट्रेलीयाको भिक्टोरियामा नेपालको सेट लगाएर हलिउड फिल्म ‘आइसरोड २’को छायांकन चलिरहेको छ । नेपालमा आएर छायांकन गर्नु भन्दा हलिउड फिल्मका निर्माताले अष्ट्रेलीयामा नेपालकै सेट बनाएर फिल्मको छायांकन गरिरहेका छन् । क्यानडाबाट सुरु भएको छायांकन अष्ट्रेलीयामा जारी छ । 

यो फिल्ममा लियाम निसन मुख्य भूमिकामा छन् । यो फिल्मलाई नेपालको कोदारी राजमार्गमा खिच्नुपर्ने हो । तर, नेपालको नक्कली सेट बनाएर फिल्मलाई अष्ट्रेलीयामा खिचिएको हो । 

सार्वजनिक भएको तस्विरमा मुख्य नायक निसन नेपाली प्रहरीसँग द्धन्द्ध गरिरहेका छन् । नेपालमा अहिले जाडो महिना चलिरहेकाले निसनले बाक्लो कपडा लगाएका छन् । ७१ बर्षका यी नायकले रिसको झोकमा नेपाल प्रहरीलाई मुक्का प्रहार गरिरहेका छन् । यो फिल्मले आफ्नो मृत भाइको अस्तु बोकेर सगरमाथा जान लागेको एक पुरुषको कथालाई पर्दामा उतारेको छ । 

सन् २०२१ मा रिलिज भएको फिल्म ‘आइस रोड’को सिक्वेलको रुपमा यो फिल्म तयार भइरहेको छ ।