७७ बर्षको उमेरमा गायक योगेश वैद्यको निधन

गायक योगेश वैद्यको निधन भएको छ । उनको ७७ बर्षको उमेरमा सुन्धारास्थित काठमाडौं भ्याली अस्पतालमा निधन भएको हो । उनको रातको १२ः३० मा निधन भएको वुझिएको छ । 

बिहिबार दिउँसो केही असहज भएपछि उनलाई उपचारका लागि अस्पताल लगिएको थियो । गायक वैद्य लामो समयदेखि मधुमेह रोगबाट पीडित रहेका थिए । 

नेपाली गायन क्षेत्रमा गायक वैद्यले थुप्रै सुपरहिट गीत दिएका छन् । उनले ‘सपना भुलाई सारा, आँसु लिएर जाउ, मेरो आँसुमा नहाँसे, नेपाल मेरो उपहार भो’ लगायतका सुपरहिट गीत नेपाली साङ्गीतिक क्षेत्रमा दिएका छन् । 

गायक वैद्यको आज पशुपति आर्यघाटमा अन्तिम संस्कार गरिनेछ । गायक वैद्यको एक छोरा र दुई छोरी छन् ।