‘पर्खि बसेँ तिमीलाई’बाट किरणले देखाए बलियो संभावना

आजबाट रिलिजमा आएको फिल्म ‘पर्खि बसेँ तिमीलाई’बाट नायक किरण श्रेष्ठले आफूलाई बलियो रुपमा उभ्याएका छन् । फिल्मको मुख्य भूमिकामा रहेका यी नव–नायकले दर्शकको मन जित्ने निश्चित छ । 

फिल्ममा किरणले आफूलाई रोमान्टिक प्रेमीदेखि पीडामा परेको एक युवकको भूमिकालाई बलियो रुपमा निर्वाहा गरेका छन् । यस्तै, उनको नृत्यले पनि दर्शकको मन जित्छ ।

विशेषगरि, किरणको अभिनयमा आत्मविश्वास देखिन्छ । पहिलो फिल्ममै उनले देखाएको आत्मविश्वासले उनलाई लामो समयसम्म फिल्म क्षेत्रमा अगाडि बढाउन मद्दत गर्ने निश्चित छ । 

फिल्म ‘पर्खि बसेँ’ले नायक राजवल्लभ कोइराला जस्ता अब्बल अभिनय गर्ने कलाकार जन्माएको थियो । अब, ‘पर्खि बसेँ तिमीलाई’ले किरणलाई जन्माएको छ । 

किरण फिल्ममा स्टार नायकको रुपमा भन्दा पनि एउटा राम्रो कलाकारको रुपमा जम्न सक्ने देखिन्छ । २ घन्टा लामो फिल्ममा उनी बलियो रुपमा देखिएका छन्, जसले दर्शकलाई फिल्ममा बाँध्न मद्दत गर्छ । 

नेपाली फिल्मका निर्देशकले किरणबाट उत्कृष्ट काम निकाल्न सक्छन् । स्टार नायकको मात्र पछि लागिरहेको फिल्म क्षेत्रलाई किरणलाई कसरी स्विकार गर्छ, त्यो भने हेर्न बाँकी छ । तर, किरणले आफूलाई बलियो रुपमा फिल्म क्षेत्रमा प्रवेश गराएका भने छन् ।