राजवल्लभलाई कमब्याक गर्नै सकस

यति बेला फिल्म ‘पर्खि बसेँ तिमीलाई’को खुबै चर्चा छ । यो फिल्मको चर्चा भइरहँदा नायक राजवल्लभ कोइराला पनि मिडियामा छाइरहेका छन् । राजवल्लभले फिल्म ‘पर्खि बसेँ’बाट फिल्म क्षेत्रमा डेब्यू गरेका थिए । यसैले, किरण श्रेष्ठले डेब्यू गरेको फिल्मको प्रचारका क्रममा राजवल्लभको नाम पनि जोडिएको हो । 

उनै, राजवल्लभ लामो समयदेखि अमेरिकामा छन् । फिल्म ‘हाइवे टू धम्पुस’को छायांकनमा क्रममा अमेरिका पुगेका राजवल्लभ उतै स्थापित भए । यसपछि, उनी फिल्म क्षेत्रबाट टाढा जस्तै देखिएका छन् । 

तर, उनले फिल्ममा कमब्याक गर्ने खबरहरू पनि सार्वजनिक भइरहेका छन् । राजवल्लभले फिल्म ‘कामिनो’मा काम गर्ने पक्का भएको थियो । तर, यो फिल्म नै बनेन । फिल्म नबनेपछि राजवल्लभको कमब्याक पनि सफल हुन सकेन । 

फेरि, उनै राजवल्लभले फिल्म ‘एक्टर’मा काम गर्न लागेको चर्चा सुरु भएको छ । राजवल्लभलाई निर्माणपक्षले स्क्रिप्ट पठाएको र उनलाई यो कथा मन परेको बुझिएको छ ।

राजवल्लभले यो फिल्मबाट कमब्याक गरे भने नेपाली फिल्म क्षेत्रका लागि पनि यो सुखद कुरा हुनेछ । तर, यसअघिका फिल्मबाट कमब्याक गर्न नसकेको खण्डमा ‘एक्टर’बाट राजवल्लभको कमब्याक हुन्छ या हुँदैन, प्रतीक्षा गर्नुपर्ने हुन्छ ।