बलिउड अभिनेता ऋतिक रोशनसँग अभिनेता अनुपको भेट

अभिनेता अनुपविक्रम शाहीले बलिउड अभिनेता ऋतिक रोशनसँग भेट गरेका छन् ।

अनुपविक्रमले आफ्नो सामाजिक सञ्जालमार्फत फोटो सेयर गर्दै ऋतिक रोशनसँग भेट भएको जानकारी दिएका हुन् ।

मुम्बईमा एक अन्तर्राष्ट्रिय ब्रान्डको प्रवर्द्वनको सिलसिलामा उनीहरुबीच भेट भएको हो । तस्बिरमा दुई जना गफगाफ गरिरहेको देख्न सकिन्छ।

ऋतिकसँगको ‘क्यान्डिड’ फोटो सेयर गर्दै अनुपले ‘लिजेन्ड्री मोमेन्ट्स’ भन्दै लेखेका छन् ।

अनुप र ऋतिक दुवै माउण्टेन डिउका ब्राण्ड एम्बेसडर हुन् । क्याप्सनले यी दुईको भेट व्यावसायिक प्रवर्द्धनका लागी हुन सक्ने जनाउँछ।