विराज र विजय सेतुपतिबिचको भेटको अर्थ के हो ?

नायक विराज भट्ट नयाँ फिल्म ‘१२ गाउँ’ निर्देशनको तयारीमा छन् । यो फिल्मको छायांकन केही महिनामा नै सुरु गर्ने उनको तयारी छ । 

यसैबिच, विराज र साउथका सुपरस्टार विजय सेतुपतिबिच भेटघाट भएको छ । उनीहरुबिच केही समय अगाडि भएको भेटको तस्विर अहिले सामाजिक संजालमा सार्वजनिक भएको छ । 

विराज र विजयको भेटलाई कतिपयले फिल्म ‘१२ गाउँ’का लागि हो कि भन्ने अनुमान लगाएका छन् । तर, मेरो फिल्मलाई स्रोतले दिएको जानकारी अनुसार विराजले विजयलाई फिल्मको लागि भेट गरेका होइनन् । उनीहरुबिच, फिल्म क्षेत्रको विषयमा कुराकानी भने भएको थियो । 

विराजले अहिले नै विजयसँगको भेटको कारण खुलाउन चाहेका छैनन् । तर, नेपाली फिल्म क्षेत्रका एक्सन नायक र साउथका सुपरस्टारबिचको भेटघाटलाई अर्थपूर्ण रुपमा हेर्न सकिन्छ । 

भोजपुरी फिल्ममा काम गर्न थालेपछि विराजको सम्बन्ध मुम्बईसँग नजिक छ । उनले, फिल्म ‘१२ गाउँ’का लागि अन्य कलाकार भने फाइनल गरेका छैनन् । विराज यो फिल्मलाई विशेष बनाउन लागिपरेका छन् ।