‘लुसु’ निर्देशन गर्दै नवराज

कलाकार नवराज श्रेष्ठले अब फिल्म निर्देशन गर्ने भएका छन् । उनले, निर्देशन गर्न लागेको फिल्मको नाम ‘लुसु’ राखिएको छ । दि पाल्म ग्रुप प्रा.लिको ब्यानरमा निर्माण हुने यो फिल्मका निर्माता शेखर लामा हुन् ।

पदम विश्वकर्माको कथा रहेको फिल्मलाई सामाजिक विषयवस्तुमा बनाउने तयारी गरिएको छ । फिल्मको छायांकन नेपाल र अमेरिकामा हुनेछ । यो फिल्मको छायांकन फागुनबाट सुरु हुनेछ । फिल्मका कलाकार र प्राविधिक भने तय नभइसकेको निर्माणपक्षले बताएको छ ।

निर्देशक श्रेष्ठले आफूले अभिनयबाट हासिल गरेको ज्ञानलाई फिल्ममा प्रयोग गर्ने बताए । फिल्मको कथा सुन्दा आफैले भन्नुपर्छ भन्ने लागेर निर्देशनमा होमिएको उनको भनाई छ ।

कलाकार शर्माले फिल्म ‘बादल’बाट करिअर यात्रा सुरु गरेका थिए । यसपछि, उनले ‘जन्मभूमि, गुडलक, स्काउट’ लगायतका फिल्ममा अभिनय गरेका छन् ।