प्याराडाइजमा फ्यानहरुसँग न्यु इयर इभ मनाउँदै प्रदिप खड्का

नायक अभिनेता प्रदिप खड्काले प्याराडाइज गार्डेन रेष्टुरेन्टमा ‘न्यु इयर इभ २०२४’ मनाउने भएका छन् । विगत ३ बर्षदेखि प्रदीपले केही साथीहरुको साथमा यो रेष्टुरेन्ट संचालन गर्दै आएका छन् । 

आज ५ बजेबाट सुरु हुने कार्यक्रममा अभिनेता प्रदिपले उपस्थित फ्यान तथा शुभचिन्तकसँग भेटघाट, गफगाफसहित नयाँ बर्षको स्वागत गर्नेछन् । प्याराडाइजले आजको कार्यक्रमलाई भव्य गराउन उपस्थित ग्राहक तथा फ्यानहरुलाई फ्रि–वेलकम ड्रिङ्क्स तथा लाइभ म्युजिकको व्यवस्था गरेको छ । त्यस्तै प्याराडाइजको किचनका परिकारमा केहि छुट समेत राखिएको छ ।

कोरोना महामारीपछि प्रदिप यस व्यवसायमा जोडिएका हुन् । कलाकारितासँगै बिजनेशमा पनि रुची राख्ने प्रदिपले लामो समयदेखि फ्यान तथा शुभेच्छुकहरुसँग साक्षत्कार हुन नसकेकोले आज यो कार्यक्रम आयोजना गरिएको र यस गेट टुगेदर मार्फत सम्बन्ध थप प्रगाढ हुने विश्वास राखेका छन् ।

अरु समयमा व्यस्त भइन्छ, उनले भने, –‘आज विशेष दिन पनि भयो । सबैसँग भेट्न सहज र लोकेशन पनि ठिक हुने भएकाले यहाँ कार्यक्रमको आयोजना गरिएको हो ।’

 अभिनेता प्रदिप अहिले एक्टर, पुजार सार्की र ऐरी साइन गरेर बसेका छन् । उनी पुषको दोस्रो हप्ता पुजार सार्कीको काममा व्यस्त हुनेछन् ।