‘उपहार’को ‘मुटुको चार कुना’मा रेखा, पुजा र बेनिशाको छमछमी

रेखा फिल्मस् र कपनगढी फिल्मसको प्रस्तुतिमा तयार भएको फिल्म ‘उपहार’को दोस्रो गीत रिलिज भएको छ । ‘मुटुको चार कुना’ बोलको यो गीतमा समीक्षा अधिकारी महेन्द्र बीकेको स्वर, अर्जुन पोखरेलको संगीत र मुक्त उदासको शब्द छ । 

सार्वजनिक गीतमा फिल्मका मुख्य तीन कलाकारहरू रेखा थापा, पूजा शर्मा र बेनिशा हमालको नृत्य हेर्न सकिन्छ । साथमा, यो गीतमा किरण केसी, राजाराम पौडेल, शिशिर रानाको पनि नृत्य हेर्न सकिन्छ । 

यो फिल्मलाई ज्ञानेन्द्र देउजाले निर्देशन गरेका हुन् । सुलभ प्रतीक र समीक्षा देउजाको लगानीमा बनेको फिल्मका कार्यकारी निर्माता बलराम शाही ठकुरी हुन् । 

फिल्ममा मुकुन भुसाल, तेज गिरी, समर्पण जंग कार्की, सुष्मा कार्की, अन्सु महर्जन, आशा भुसाल लगायतका कलाकारको पनि अभिनय छ । 

सुलक्षण भारतीको कथा रहेको फिल्ममा सुलक्षणाको साथमा अभिमन्यु निरबी र माधव शर्माको पटकथा तथा संवाद छ । फिल्ममा विष्णु घिमिरे ‘कल्पित’को छायांकन, मित्र डी गुरुङको सम्पादन, कविराज गहतराजको कोरियोग्राफी, रोशन श्रेष्ठको एक्सन छ । 

यो फिल्म फागुणको २५ गतेबाट रिलिज हुँदैछ । फिल्मले तीन महिला पात्रको फरक–फरक कथालाई रोचक तरिकाले प्रस्तुत गरेको निर्माणपक्षले बताएको छ ।