'जय माता दी' भन्दै केकमा रक्सी खनाए पछि रणवीर कपुर विरुद्ध मुद्दा दर्ता

बलिउड अभिनेता रणवीर कपुर र उनको परिवार विरुद्ध मुद्दा दर्ता भएको छ । 

क्रिसमस मनाउने भिडियो भाइरल भए पछि अभिनेता कपुर र उनका परिवारका सदस्यहरू विरुद्ध धार्मिक भावनामा ठेस पुर्‍याएको भन्दै बुधबार एक प्रहरी चौकीमा उजुरी दर्ता गरिएको छ । तर, यस विषयमा एफआईआर दर्ता भएको छैन। 

सञ्जय तिवारीले आफ्ना वकिल आशिष राई र पंकज मिश्रमार्फत घाटकोपर प्रहरी चौकीमा दर्ता गराएको उजुरीमा भिडियोमा अभिनेताले  ‘जय माता दी’ भन्दै केकमा रक्सी खन्याएको र आगो लगाएको दाबी गरिएको छ ।

उजुरीमा भनिएको छ, ‘हिन्दू धर्ममा अन्य देवताहरूलाई पुकार्नु अघि अग्नि देवतालाई आह्वान गरिन्छ तर कपुर र उनको परिवारका सदस्यहरूले जानीजानी अर्को धर्मको चाड मनाउने क्रममा मादक पदार्थ प्रयोग गरे र ‘जय माता दी’कोण् नारा लगाए।’

जसका कारणा उजुरीकर्ताले हिन्दुहरूको धार्मिक भावनामा ठेस पुगेको आरोप लगाइएको छ ।