मिरुनाको लाइनअपमा आधा दर्जन फिल्म

नेपाली फिल्म क्षेत्रमा अहिलेको समयकी सर्वाधिक व्यस्त र भाग्यमानी नायिका हुन् मिरुना मगर । असफल भएको करिअरलाई फेरि उचाइमा पुर्याएर मिरुनाले तारिफ कमाइरहेकी छिन् । 

मिरुनाको यो बर्ष ‘जारी र नाङ्गो गाउँ’ रिलिज भइसकेको छ । दुवै फिल्म बक्स अफिसमा सफल भएपछि मिरुनाको माग फिल्म क्षेत्रमा सर्वाधिक बढेको हो । 

उनै, मिरुनाको लाइनअपमा आधा दर्जन फिल्म छ । अहिलेको समयमा सर्वाधिक धेरै फिल्म हातमा भएकी नायिका नै मिरुना मगर हुन् । 

मिरुनाको ‘रंगेली’ रिलिजको तयारीमा छ । यस्तै, उनले नै अभिनय गरेको फिल्म ‘मनसरा’ पनि अर्को बर्षको वैशाखमा रिलिज हुँदैछ । 

यो बाहेक मिरुनाले फिल्म ‘हात्तीछाप’मा पनि विशेष भूमिकामा काम गरेकी छिन् । मिरुनाले नायक दयाहाङ राईसँग फिल्म ‘घर ज्वाँई’को छायांकन पनि सुरु गर्ने तयारीमा छिन् । यो फिल्मको प्रदर्शन मिति पनि आउँदो बर्षको असारमा तोकिएको छ । 

यस्तै, मिरुनाले नायक विपिन कार्कीसँग अब फिल्म ‘उनको स्विटर’मा काम गर्दैछिन् । फिल्म ‘महाजात्रा’को छायांकन सकिएकाले विपिन अब यो फिल्ममा व्यस्त हुनेछिन् । विशेषश्रोतका अनुसार, मिरुनाले अर्को एउटा फिल्म पनि साइन गरिसकेकी छिन् ।

यसरी हेर्दा, मिरुनाको हातमा आधा दर्जन फिल्मको लाइनअप छ । ब्याक टू ब्याक सुपरहिट फिल्म दिएपछि उनको माग ह्वात्तै बढेको हो । जसले गर्दा, उनलाई फिल्मको सेड्यूल मिलाएर काम गर्न पनि समस्या पर्न थालेको छ ।