चर्चा मिरुनासँग, तर हिट छ दयासँग उपासनाको जोडी

नायक दयाहाङ राइको करिअरमा पहिलो पटक कुनै नायिकासँगको जोडी सर्वाधिक चर्चामा रहँदै आएको छ । दयाहाङ र नायिका मिरुना मगरको जोडी सर्वाधिक चर्चामा रहेको छ । यो जोडीले निरन्तर ३ फिल्म हिट दिएपछि उनीहरूको चर्चा बढेको हो । यसपछि, यी दुईलाई लिएर फिल्म बनाउनेहरूको लाइन नै लागेको छ । 

तर, मिरुनासँग चर्चा भइरहँदा नायक दयाहाङ राई र नायिका उपासना सिंह ठकुरीको जोडी पनि कम छैन । 

यी दुईले ‘कबड्डी ३’ जस्तो सुपरहिट फिल्म दिएका थिए । यो फिल्मले बक्स अफिसमा सुपरहिटको कमाई गरेपछि उपासना र दयाको जोडीको चर्चा सुरु भएको हो । फिल्म ‘२ नम्बरी’मा उपासनाको जोडी नायक सौगात मल्लसँग बाँधियो । फिल्मले सुखद कमाई गर्यो । 

दर्शकले, उपासना र दयाको जोडीलाई अब ‘हात्तीछाप’मा पनि देख्न पाउनेछन् । यो फिल्ममा पनि दया र उपासना रोमान्टिक अवतारमा प्रस्तुत हुँदैछन् । दया र उपासनाको यो फिल्म पनि चल्यो भने, उनीहरूको पनि ह्याट्रिक हुनेछ । 

उपासना फिल्म छनोटमा केही बढी सजग देखिएकी छिन् । यसैले, पनि उनको माग राम्रै भएपनि उनले निकै कम फिल्ममा काम गर्दैछिन् । सुपरहिट काम गरेपनि चर्चा कम हुँदा दया र उपासनाको जोडी ओझेलमा परेको हो । तर, यी दुइको केमेष्ट्रीलाई पनि दर्शकले निकै रुचाइरहेका छन् ।