दीपक श्रेष्ठको गुनासो–‘नयाँ कलाकारलाई लिएर फिल्म रिलिज गर्न गाह्रो रहेछ’

निर्देशक दीपक श्रेष्ठले निर्देशन गरेको नयाँ फिल्म ‘पर्खी बसे तिमीलाई’ पुषको २७ गतेबाट रिलिज हुँदैछ । यो फिल्मको प्रचारमा दीपक लागिपरेका छन् । 

कुनै समयमा यी ब्रान्ड निर्देशक अहिले भने फिल्म क्षेत्र र यहाँको प्रवृत्तिसँग आक्रोशित छिन् । 

दीपकले निर्देशन गरेको यो फिल्ममा किरण श्रेष्ठ र रक्षा बुढाथोकीले मुख्य कलाकारको रुपमा काम गरेका छन् । फिल्म ‘पर्खी बसे’बाट दीपकले नायक राज वल्लभ कोइराला र नायिका यूना उप्रेतीलाई फिल्म क्षेत्रबाट भित्र्याएका थिए । यी दुईले फिल्म क्षेत्रमा एक दशक राम्रै क्रेज बनाए । 

कुनै बेलाका यी सुपरस्टार निर्देशकलाई अहिले नयाँ कलाकार लिएर फिल्म रिलिज गर्न हम्मे हम्मे भएको छ । फिल्ममा नयाँ कलाकार लिएपछि रिलिज गर्न निकै गाह्रो पर्ने रहेछ भन्दै दीपक आक्रोशित सुनिए । 

फिल्मको रिलिज, मिडिया प्रचारदेखि विदेशमा विक्री गर्न समस्या हुने भन्दै दीपक आक्रोशित देखिएका छन् । 

नेपाली फिल्म क्षेत्रमा दीपकले थुप्रै नयाँ कलाकारलाई स्टार बनाएका छन् । तर, आजका दिनमा भने उनै निर्देशक फिल्म क्षेत्रप्रति आक्रोशित देखिएका छन् । 

लभ स्टोरी कथामा निर्माण भएको यो फिल्मको दुई वटा गीत सार्वजनिक भइसकेको छ । फिल्ममा नयाँ कलाकारले उत्कृष्ट काम गरेको भन्दै दर्शकले माया गर्ने विश्वास दीपकको छ ।