निर्मात्री प्रज्ञा जोशी १७ वर्षपछि पुन: ‘सिन्दुर’ निर्माण गर्दै

१८ बर्षपछि टेलिसिरियल 'सिन्दुर' पुनः निर्माण हुने भएको ।

कलाकार तथा निर्मात्री प्रज्ञा जोशीले शुक्रबार भद्रकाली मन्दिरमा शुभ मुहूर्त गर्दै औपचारिक रुपमा सिन्दुरको निर्माण घोषणा गरेकी हुन् ।

निर्मात्री जोशीले अहिलेको पुस्तालाई मध्ये नजर गर्दै करिब १७ बर्ष अगाडि निर्माण भएको टेलिसिरियललाई पुनः निर्माण गर्न लागेको बताइन् । 

पुराना कलाकारहरु नेपाल बाहिर भएकाले पनि अहिले आफूले नयाँ कलाकारलाई लिएर काम गरेको उनको भनाई छ । अहिले पनि यो सिरियल उत्तिकै सान्र्दभिक रहेकाले उत्कृष्ट बनाउने कोशिस गर्ने दाबी निर्मात्री जोशीको छ ।

यो टेलिसिरियलको शुभ मुहूर्तमा कलाकार रविन्द्र खड्का, निर्देशक समाजमा अध्यक्ष जनकदीप पराजुली, निर्देशक घनश्याम लामिछाने, ऋषि लामिछाने र लेखक प्रदीप भारद्वाज उपस्थित थिए । 

यो सिरियलमा विनय राज पौडेलको लेखन तथा निर्देशन रहनेछ । उनले १२ बर्ष अघि सिन्दुर नामक फिल्मबाट सहायक निर्देशक भएर फिल्म क्षेत्रमा प्रवेश गरेका थिए । 

पौडेलले करिब १२ वर्षपछि यही नामको सुपरहिट सिरियल पुन निर्माण गर्दा निर्देशकको जिम्मेवारी बहन गर्ने जिम्मा दिनु भएकोमा प्रज्ञा जोशी प्रति आभारी रहेको बताएका छन् ।

प्रज्ञा फिल्मस्को ब्यानरमा निर्माण हुने टेलिसिरियलमा नविन श्रेष्ठ, प्रज्ञा जोशी, लक्ष्मी भुषाल, प्रदीपराज गिरी, अश्मी थापा, दीपेनद्र सोनाम, स्नेहा पौडेल, पूर्णिमा जिएम, टेकेन्द्र न्यौपाने, पवन केसी लगाउयतका कलाकारको अभिनय रहनेछ । 

यो सिरियलमा मदन कश्यप घिमिरेको छायांकन, लय संग्रौलाको गीत लेखन, सम्राट थापाको संगीत रहनेछ ।