उपेन्द्र सुब्बाको दोस्रो फिल्म ‘मनसरा’मा दयाहाङ र मिरुना

फिल्म ‘जारी’ फेम्ड निर्देशक उपेन्द्र सुब्बाको दोस्रो फिल्म ‘मनसरा’ आगामी वर्षको बैशाख २१ गते प्रदर्शन हुने भएको छ ।

निर्माण कम्पनी कबड्डी फिल्मस्ले दयाहाङ राई र मिरुना मगर अभिनित ‘मनसरा’को आज पोस्टर सार्वजनिक गर्दै आफ्नो रिलिज मितिको घोषणा गरेको हो। 

सार्वजनिक गरेको पोस्टरमा मिरुना फिर्चड छिन् । जसमा मिरुना मनसरा पात्रको शीर्ष भूमिकामा देखिन्छिन् । 

निर्देशक सुब्बाकै लेखन रहेको फिल्ममा मिरुना र दयाका अलावा प्रविण खतिवडा, मेनुका प्रधान तथा हेमन्त बुढाथोकीको अभिनय रहेको छ। 

फिल्मका निर्माता शैलेन्द्र ध्वज कार्की हुन् । उनी फिल्मका छायाँकर समेत हुन् । सिजन दाहाल कार्यकारी निर्माता रहेको फिल्ममा विष्ण कुमार लिम्बु, मनोरथ पोखरेल, पर्शु अधिकारी, पिटर गुरुङ र जीवन लिम्बु थाक्लुङ सह-निर्मातामा छन् ।

फिल्ममा निमेश श्रेष्ठको समपादन, अर्जुन कार्कीको रंग संयोजनको साथमा श्रवल राज पाण्डेको साउण्ड डिजाइन रहेको छ भने मानाहाङ लावती, मनिक शंखर र सुभम चाम्लिङ राईको संयूक्त कला निर्देशन रहनेछ। त्यसैगरी फिल्ममा किरण चाम्लिङ राई मुख्य सहायक निर्देशकका रुपमा रहेका छन्।

पछिल्लो समय दया-मिरुना सर्वाधिक रुचाइएको जोडीमा पर्छन् ।