फिल्म ‘खजुरे ब्रो’ बन्ने

फिल्म ‘खजुरे ब्रो’ को औपचारिक घोषणा गरिएको छ। 

फिल्म युनिटले बंगलामुखी मन्दिर पुगेर घोषणासँगै शुभ साइत गरेको हो। यस फिल्मलाई सुरज सुनुवारको निर्देशन गर्ने भएका छन् । 

दिब्य दृश्य इन्टरटेन्टमेन्टको ब्यानरमा बन्न लागेको यस फिल्म कमेडी जनरामा बन्ने बताइएको छ । फिल्मको लेखन पनि स्वयम् निर्देशक सुनुवार हुन्। सुनुवारले ८ बर्ष अघि फिल्म ‘षडङ्ग’को निर्देशन गरेका थिए। 

फिल्म ‘खजुरे ब्रो’उनको कमब्याक फिल्म हुने बताइएको छ।

नबीन मानन्धर र सुरज सुनुवारले निर्माण गर्ने फिल्म का कार्यकारी निर्माता डायमण्ड उप्रेती हुन्। शिशिर बिसंखेले छायाँकन गर्ने फिल्म  माघ पहिलो साताबाट फ्लोरमा जानेछ।

फिल्म मा अभिनय गर्ने कलाकार तथा अन्य प्राविधिकहरुको नाम भने निर्माण टिमले गोप्य नै राखेको छ। अहिलेको दर्शकहरुको चाहना अनुसार पूर्ण मनोरंजन दिने उदेश्यका साथ फिल्म  निर्माण गर्न लागेको कलाकार तथा निर्माता नबीन मानन्धरले बताए। 

फिल्म मा अनमोल गुरुङको संगीत रहनेछ। प्रकाश भुजेल युनिट प्रोडक्सन मेनेजर तथा प्रदीप भण्डारी लाइन प्रोडुसर रहेका छन्। फिल्मको छायांकन इटहरी, धरान, दार्जलिंग र काठमाडौँमा हुने बताइएको छ।