‘एक्टर’मा प्रदीपको जोडी स्वस्तिमा

नायक प्रदीप खड्काले फिल्म ‘एक्टर’ साइन गरेको खबर केही दिन अगाडि सार्वजनिक भएको थियो । अदृत फिल्मसको प्रस्तुतिमा तयार हुन लागेको यो फिल्मलाई थमन कुमार भण्डारीले निर्माण गर्दैछन् । फिल्ममा राजन भुसालको निर्देशन रहनेछ । 

यसैबिच, यो फिल्मका लागि निर्माणपक्षले नायिका पनि फाइनल गरेको वुझिएको छ । मेरो फिल्मलाई विशेष स्रोतले दिएको जानकारी अनुसार फिल्ममा प्रदीपको जोडीको रुपमा नायिका स्वस्तिमा खड्काले काम गर्ने पक्का भएको छ । 

स्वस्तिमा र प्रदीपले पहिलो पटक एकसाथ पर्दा शेयर गर्न लागेका हुन् । स्वस्तिमा फिल्म ‘दिमाग खराब’को विशेष शोका लागि अष्ट्रेलीयामा छिन् । अष्ट्रेलीया उड्नु अघि नै उनले यो फिल्ममा काम गर्ने पक्का गरेको वुझिएको छ । 

स्वस्तिमा अहिलेकी सर्वाधिक व्यस्त नायिका हुन् । उनको अभिनयको पनि खुबै तारिफ हुँदै आएको छ । अभिनयका हिसाबले प्रदीप पनि शक्तिशाली मानिन्छन् । यसैले, यी दुई कलाकार एकसाथ आउँदा दर्शकका लागि विशेष उपहार हुने कुरामा दुईमत छैन । 

यो फिल्मलाई सन् २०२५ मा रिलिज गर्ने योजना निर्माणपक्षको छ । प्रदीपले फिल्म ‘पुजार सार्की र ऐरी’पछि यो फिल्मको छायांकन सुरु गर्नेछन् ।

स्वस्तिमा र प्रदीपले यसअघि एउटा विज्ञापनमा एकसाथ काम गरेका थिए ।