वर्षा राउतको लाइनअपमा ३ फिल्म

नायिका वर्षा राउतको फिल्मी व्यस्तता बढेको छ । उनलाई फिल्मको लागि समय मिलाउन समेत हम्मे हम्मे पर्न थालेको छ । कहिले फिल्म नै हातमा नहुने, कहिले लगातार फिल्मको अफर आउँदा वर्षालाई सेड्यूल मिलाउन समस्या भएको हो । 

वर्षाले फिल्म ‘महाजात्रा’मा काम गरिरहेकी छिन् । प्रदीप भट्टराईको निर्देशनमा तयार भइरहेको यो फिल्ममा वर्षाले नायक विपिन कार्कीको जोडीको रुपमा काम गरिरहेकी छिन् । यो फिल्मलाई चैत्र ९ गतेबाट रिलिज गर्ने तयारी निर्माणपक्षको छ । 

उनले शंकर घिमिरेको निर्देशनमा तयार हुने फिल्म ‘तेल भिसा’ पनि साइन गरिसकेकी छिन् । यो फिल्ममा पनि उनको जोडीको रुपमा विपिन कार्कीले नै काम गर्दैछन् । यो फिल्मको छायांकन अष्ट्रेलीयामा हुनेछ । 

वर्षाले साइन गरेको अर्को फिल्म हो, ‘अवतार’ । यो फिल्मलाई एभरेष्ट सूर्य बोहराले निर्देशन गर्दैछन् । फिल्मको छायांकन पुष महिनाबाट सुरु गर्ने योजना बोहराको थियो ।

तर, यो फिल्मको छायांकन अब केही पछि हुनेछ । फिल्ममा वर्षाले नायकद्धय पल शाह र सलोन बस्नेतसँग सहकार्य गर्ने छिन् । यसरी हेर्दा, वर्षाको यो बर्ष एउटा र अर्को बर्ष दुई वटा फिल्म रिलिज हुने पक्का छ ।