‘पर्खी बसेँ तिमीलाई’को ‘चट्ट गाजल’ रिलिज

पौषको २७ गतेबाट रिलिजमा आउन लागेको फिल्म ‘पर्खी बसेँ तिमीलाई’मा समावेश ‘चट्ट गाजल’ बोलको गीत सार्वजनिक भएको छ । 

स्मिता दाहालको स्वरमा समावेश यो गीतमा डाक्टर कृष्णहरि बरालको शब्द, दीपक शर्माको संगीत छ । यो गीतको भिडियोको कोरियोग्राफी रामजी लामिछानेले गरेका हुन् । 

दीपक श्रेष्ठको निर्देशनमा तयार भएको यो लभ स्टोरी फिल्ममा राजाराम बुढाथोकीको लगानी छ । कोमल गुरुङ सह–निर्माता रहेको यो फिल्मबाट तीन जना नयाँ कलाकार फिल्म क्षेत्रमा प्रवेश गर्दैछन् । 

यो फिल्ममा किरण श्रेष्ठ, रक्षा बुढाथोकी र अनिषा रसाइलीको अभिनय छ । यी तिनै जना कलाकारको यो डेब्यू फिल्म हो । यो फिल्ममा शिव श्रेष्ठ, सुनिता श्रेष्ठ, विल्सन विक्रम राई, मनिष श्रेष्ठको पनि अभिनय छ । 

फिल्ममा शम्भुजित बास्कोटा, महेश खड्का, दीपक शर्मा र बाबुल गिरीको सगीत छ । 

संकल भुजेलको डीओपी रहेको फिल्ममा परिच्छेद सेन र पुरुषोत्तम ढुंगेलको कथा, पटकथा तथा संवाद छ ।