‘आलिङ्गन’को घोषणा

नयाँ नेपाली फिल्म ‘आलिङ्गन’ को घोषणा गरिएको छ। 

‘शिरफूल’ मार्फत निर्देशनमा पाइला चालेका निर्देशक कमल एक्चै मगर आज शनिबार फिल्मको औपचारिक घोषणा गरेका हुन् । ‘आलिङ्गन’ को अर्थ 'अँगालो अथवा अङ्कमाल' भन्ने बुझिन्छ।

मगरको गत बर्ष आजकै दिन अर्थात मङ्सिर २३ गते फिल्म ‘डेसान’ प्रदर्शनमा आएको थियो। उनले ‘डेसान’ बाट राम्रै प्रसंशाको साथै विभिन्न अवार्ड पनि प्राप्त गर्न सफल भएका थिए। 

‘आलिङ्गन’ उनको निर्देशनमा बन्ने तेस्रो फिल्मर हो। सामाजिक प्रेमकथामा बन्ने फिल्मको कथा स्वयम् मगरले लेखेका हुन्।

फिल्मको पटकथा संवाद आरुष जंग सारु र कमल एक्चै मगरले मिलेर लेखेका हुन्। कृशला मगर कार्यकारी निर्माता रहेको फिल्मलाई चक्र बहादुर महर्जनले छायांकन गर्नेछन्। 

परफर्मिंग आर्ट क्रियसनको ब्यानरमा निर्माण हुने फिल्म ‘आलिङ्गन’ मा अभिनय गर्ने कलाकार र अन्य प्राविधिकहरूको बारेमा निर्माण टिमले केहि समय पछि पत्रकार सम्मेलन गरेर जानकारी दिने बताएको छ।