अर्जुन कपुरको एउटा फिल्म जसले २ लाख पनि कमाउन सकेन

बलिउडमा सबैको लागि भाग्यशाली हुन र हिट वा मेगास्टार बन्न सम्भव छैन। 

बलिउडमा धेरै कलाकारहरूले स्टारकिड्स भए पनि आफूले सपना देखेको स्थान हासिल गर्न सकेनन्। आज हामी तपाईँलाई यस्तै एक स्टार किड्सको बारेमा बताउन गइरहेका छौँ, जसको सम्पूर्ण परिवार बलिउडसँग सम्बन्धित छ तर पनि उनले बक्स अफिसमा खासै कमाई गर्न सकेनन् ।

जसको बारेमा हामीले कुरा गरिरहेका छौँ उनले सन् २०१२ मा अभिनेत्री परिणिती चोपडासँग अभिनय गरेर बलिउडमा डेब्यु गरेका थिए । यी स्टार किड्सको पहिलो फिल्म हिट भएको थियो । हो, हामी फिल्म ‘इशकजादे’ बाट बलिउडमा प्रवेश गरेका फिल्म निर्माता बोनी कपूरका छोरा अर्जुन कपुरको कुरा गर्दैछौँ । उनको फिल्मले बक्स अफिसमा ४५.७३ करोड कमाएको थियो र हिट साबित भयो। यो फिल्मले अर्जुन कपुरलाई रातारात चर्चित बनायो।

पहिलो फिल्मबाटै नाम कमाउने अर्जुन कपुरले सन् २०१३ मा आएको फिल्म ‘औरंगजेब’ नराम्ररी फ्लप भयो । त्यसपछि सन् २०१४ मा रिलिज भएका उनका फिल्म ‘गुन्डे’ सेमी हिट र ‘टु स्टेटस’ हिट साबित भए । यसपछि उनका फिल्म ‘तेवर’, ‘नमस्ते इङ्गल्याण्ड’, ‘पानीपत’, ‘सन्दीप और पिंकी फरार’ फ्लपको सूचीमा परे ।

यो वर्ष अर्जुनका दुई फिल्म ‘कुत्ते’ र  ‘द लेडी किलर’ रिलिज भएका थिए ।  ‘कुत्ते’ले ४.६५ करोड कमाएर फ्लप भयो भने ‘द लेडी किलर’ले मात्रै १ लाख कमाएर ठुलो फल्प साबित भयो ।

अर्जुन कपूरको बक्स अफिस रेकर्डलाई हेर्दा अभिनेता विगत १० वर्षदेखि हिट फिल्मको लागि आकांक्षी रहेको स्पष्ट हुन्छ । अब अभिनेता  ‘मेरी पटनीका रिमेक’ र रोहित शेट्टीको ‘सिंघम अगेन’मा देखिने छन् । यस्तो अवस्थामा उनको आगामी फिल्मले बक्स अफिसमा राम्रो व्यापार गर्छ कि गर्दैन त्यो हेर्न बाँकी छ ।