सडकमा ‘महाजात्रा’को सुटिङ

प्रदीप भट्टराईको निर्देशनमा तयार भइरहेको फिल्म ‘महाजात्रा’को हाल धमाधम छायांकन भइरहेको छ । काठमाडौंको सडकमा यो फिल्मको छायांकन गरिएको छ ।

फिल्मको सेटमा मुख्य कलाकारहरू विपिन कार्की, रवीन्द्र झा, रवीन्द्र सिंह बनियाँ छन् । विशेषगरि, विपिन कार्कीले भ्यान चलाउँदै गरेको दृश्यको छायांकन गरिएको हो । 

यो दृश्यको छायांकन गर्नका लागि डिओपी पुरुषोत्तम प्रधानलाई सबैभन्दा बढी सकस भयो । तर, उनले निकै मिहिनेतका साथ यो दृश्यको छायांकन गरेका छन् । 

सडकमा कुद्ने सवारी साधनलाई ध्यान दिँदै फिल्मको छायांकन गर्नुपर्ने भएकाले पनि केही जोखिपूर्ण देखिएको छ । तर, निर्माणपक्षले यो दृश्यको छायांकनमा निकै मिहिनेत गरेको देखियो । 

म्याक्स दीपेश खत्रीको लगानीमा रवीन्द्र सिंह बनियाँ कार्यकारी निर्माता रहेको फिल्मलाई चैत्रको ९ गतेबाट रिलिज गर्ने तयारी गरिएको छ । फिल्ममा हरिवंश आचार्य, विपिन कार्की, रवीन्द्र झा, रवीन्द्र सिंह बनियाँ, वर्षा राउत, दिव्य देव, गौमाया गुरुङ, प्रेम पाण्डे, सुमन कार्की लगायतका कलाकारको अभिनय छ । 
काठमाडौंको छायांकन सकेपछि यसको निर्माणपक्ष बाँकी छायांकनका लागि तराई झर्नेछ ।