जसिता र मेरो जोडी देख्दा दर्शकलाई ‘जादु’ महशुश हुन्छः अनमोल केसी

नायक अनमोल केसीले आफू र नायिका जसिता गुरुङको जोडीलाई पर्दामा देख्दा दर्शकलाई म्याजिक फिल हुने बताएका छन् ।

फिल्म ‘फर्की फर्की’को शुभसाइत समारोहपछि मिडियासँग कुरा गर्दै अनमोलले भने–‘हामीले स्क्रिन टेस्ट पनि गरिसकेका छौँ । दर्शकलाई हाम्रो जोडी देख्दा म्याजिक फिल हुन्छ । हामी दुबैले फिल्म क्षेत्रमा केही बर्ष बिताइसकेका छौँ । यो जोडी किन अहिलेसम्म पर्दामा नआएको होला भन्ने दर्शकलाई महशुश हुन्छ ।’

यस्तै, नायिका जसिता गुरुङ पनि अनमोलको प्रशंसा गरेर थाकिनन् । उनले अनमोल केसी एकदम इमानदार र सहयोग रहेको बताइन् । अनमोलबाट आफूले धेरै कुरा सिक्न पाउने उनको भनाई थियो । 

अनमोल र जसिताले फिल्म ‘एन्टी हिरो’मा काम गर्ने पक्का भएको थियो । तर, निर्माता भुवन केसीले यो फिल्मको घोषणा मात्र गरे । यसैले, यो जोडीलाई एकैसाथ पर्दामा आउन समय लागेको हो । 

अब, अनमोलले भने जस्तै यो जोडीले पर्दामा म्याजिक छर्न सक्छ या सक्दैन, जेठ ११ गतेपछि नै थाहा हुनेछ । तर, एकैसाथ काम गर्न पाउँदा अनमोल र जसिता उत्साहित भने छन् ।