‘रंगेली’मा दयाहाङको यस्तो अवतार

फागुनको २५ गतेबाट रिलिजमा आउन लागेको फिल्म ‘रंगेली’को फस्टलुक सार्वजनिक भएको छ । तिहारको अवसर पारेर यसको निर्माणपक्षले नायक दयाहाङ राइको लुक्स सार्वजनिक गरेको हो । फिल्ममा नायक राई ‘विजय’ नामक पात्रको भूमिकामा देखिदैछन् । 

अर्जुन सुवेदीको लेखन तथा निर्देशनमा तयार भएको यो फिल्ममा दयाहाङ राई, मिरुना मगर, अर्पण थापा, प्रवीण खतिवडा, रमेश वुढाथोकी लगायतका कलाकारको अभिनय छ ।

फिल्ममा सुशान्त गौतम र हुर्कलस बस्नेतको संगीत छ । जितेन्द्र खतिवडा र अनुज जंग थापा कार्यकारी निर्माता रहेको फिल्ममा संसार चौलागाँई र रमेश भट्टराई छन् भने सह–निर्मातामा युवक कार्की र शिव शंकर चौलागाई छन् । फिल्ममा सुशन प्रजापतिको छायांकन छ ।