रश्मिका मन्दानाको डिपफेक भिडियो भाइरल

प्रविधिको चरम दुरुपयोग हुँदा यसको प्रत्यक्ष असर सेलिब्रिटीहरुको करिअरमा समेत पर्न थालेको छ । केही दिनदेखि बलिउड नायिका रश्मिका मन्दानाको भन्दै एक भिडियो भाइरल बनिरहेको छ । कुनै पनि दर्शकले उक्त भिडियो हेर्दा सहजै रश्मिकाको नै हो भनेर विश्वास गर्छन् । तर, वास्तविकता त्यस्तो होइन ।

रश्मिकाको डिपफेक भिडियो बनाएर भाइरल गराइएको हो । भिडियोमा उनी कालो रंगको योगा बडिसुटमा देखिन्छिन् । क्यामेराको अगाडि मुस्कुराउँदै उनी लिफ्टमा चढेकी छिन् । जारा पटेल नाम गरेकी ब्रिटिस–इन्डियन यूवतीको भिडियोमा रश्मिकाको अनुहार जोडेर यो भिडियो तयार पारिएको हो । 

भिडियो भाइरल भएपछि रश्मिकाले सामाजिक संजालबाट आपत्ती जनाउँदै भोलीको दिनमा यसले थुप्रै मानिसहरुलाई समस्यामा पार्न सक्ने चेतावनी दिएकी छिन् । रश्मिकालाई कानुनी उपचार खोज्न बलिउड नायक अमिताभ बच्चनले सुझाव दिएका छन् ।