सिक्वेलको पछि दौडिएका विपिन कार्की

नायक विपिन कार्कीको यो बर्ष ४ वटा फिल्म रिलिज हुने पक्का छ । जसमध्ये, ३ वटा फिल्म हलमा लागिसकेका छन् । फिल्म ‘महाजात्रा’ भने चैत्रको ९ गतेबाट रिलिज हुँदैछ ।  विपिनले यो बर्ष काम गरेका ४ फिल्ममध्ये ३ फिल्म त सिक्वेल नै हुन् । फिल्म ‘प्रसाद २’ हिट फिल्म ‘प्रसाद’को सिक्वेल हो ।

तर, यो फिल्म बक्स अफिसमा चलेन । यसपछि, विपिनले नै अभिनय गरेको अर्को फिल्म ‘पशुपति प्रसाद २ः भष्मे डन’ हिट फिल्म ‘पशुपति प्रसाद’को सिक्वेल हो । बक्स अफिसमा यो फिल्म भने चल्यो । अहिले पनि यो फिल्म हलमा चलिरहेको छ । 

यस्तै, चैत्र ९ गतेबाट रिलिज हुन लागेको फिल्म ‘महाजात्रा’ पनि हिट फिल्म ‘जात्रा र जात्रै जात्रा’को सिक्वेल हो । यसरीहेर्दा, विपिन सिक्वेलको पछि लागेको देखिन्छ । तर, विपिन आफूलाई अफर आएको र आफूले काम गरिरहेको बताउँछन् । 

कुनै पनि हिट फिल्मको सिक्वेलले बक्स अफिसमा सफलता पाउने संभावना अधिक हुन्छ । किनकी, यसले दर्शकमाझ पहिले नै छाप छाडिसकेकाले नामको ब्रान्डिङका लागि ठूलो खर्च गर्नु पर्दैैन । विपिनको यो बर्ष ‘एक भागवत् र एक गीता’ रिलिज भएको थियो, जुन फ्रेस नाममा बनेको फिल्म हो । यो फिल्म भने बक्स अफिसमा चलेन ।