‘आमा २’ निर्माणको घोषणा, तिहारपछि छायांकन हुने

निर्देशक दीपेन्द्र के खनाल र निर्मात्री शर्मिला पाण्डेले हिट फिल्म ‘आमा’को सिरिज निर्माणको घोषणा गरेका छन् । बुधबार निर्मात्री शर्मिला पाण्डे र निर्देशक दीपेन्द्र के खनालले एक भिडियो सन्देश सार्वजनिक गर्दै फिल्म निर्माण हुन लागेको जानकारी दिएका हुन् । 

२ बर्ष अगाडि रिलिज भएको फिल्म ‘आमा’ले बक्स अफिसमा सुखद व्यापार गरेको थियो भने ‘राष्ट्रिय चलचित्र पुरस्कार’ समेत जितेको थियो । निर्मात्री पाण्डेले मेरो फिल्मसँग कुरा गर्दै तिहारपछि फिल्मको छायांकन सुरु हुने जानकारी दिइन् । उनले, अहिलेसम्म कलाकार कोही पनि फाइनल नगरिएको समेत जानकारी दिइन् । 

निर्देशक खनाल निर्देशित फिल्म ‘पशुपति प्रसाद २ः भष्मे डन’ हलमा चलिरहेको छ । निर्देशक खनाल भने अब हिट फिल्मको सिक्वेल निर्देशनमा लागेका छन् ।