यस्तो छ साहरुख र तापसीको ‘डंकी’को टिजर

नायक साहरुख खानको ५८ औं जन्मदिनको अवसर पारेर डिसेम्बर २१ तारिखबाट रिलिज हुन लागेको फिल्म ‘डंकी’को टिजर सार्वजनिक गरिएको छ । ‘डंकी ड्रप १’ नाम राखेर सार्वजनिक गरिएको टिजरमा फिल्मका मुख्य कलाकारहरुलाई समावेश गरिएको छ । 

टिजरमा लण्डन जान चाहने ४ जनाको कथा समावेश गरिएको छ । फिल्ममा साहरुख खान, तापसी पन्नु, बोमन इरानी, विक्की कौशल लगायतका कलाकारको अभिनय छ । 

बलिउडका सर्वाधिक सफल निर्देशक राजकुमार हिरानीको निर्देशनमा तयार भएको यो फिल्मको टिजरले दर्शकलाई उत्साह पैदा गर्ने पक्का छ । 

टिजरमा कमेडी, मित्रता, प्रेम र हिडेर विदेश जानेहरुको मार्मिक कथालाई प्रस्तुत गरिएको छ । फिल्मको दोश्रो टिजर पनि केही समयमा सार्वजनिक हुने निर्माणपक्षले उल्लेख गरेको छ ।