माघ २६ मा दयाका २ फिल्म, ‘दयारानी’ रिलिज हुने पक्का

यदि, निर्माताबिच  समझदारी भएन भने माघको २६ गते नायक दयाहाङ राइले अभिनय गरेका २ फिल्म हलमा लाग्ने भएका छन् । यो मितिमा दयाको मुख्य भूमिका रहेको फिल्म ‘हात्तीछाप’ रिलिज हुने पक्का भैसकेको छ । अब, यही मितिमा अर्को फिल्म ‘दयारानी’ पनि रिलिज हुने भएको छ । 

दयाहाङ राई र दिया पुनको मुख्य भूमिका रहेको फिल्मको प्रदर्शन मिति आज घोषणा गरिएको हो । 

यो फिल्मलाई माओत्से गुरुङले लेखन तथा निर्देशन गरेका हुन् । बासुरी फिल्मस् र माओत्से गुरुङ फिल्मस्को ब्यानरमा यो फिल्म बनेको हो । फिल्ममा मोहन गुरुङ, न्यू आइटी भेन्चर, किरण गुरुङ, केन्द्र लिम्बु, खुशीमान गुरुङ, सुरेन्द्र गुरुङ र सुर्य प्रकाश गुरुङको लगानी छ ।