तस्वीरमा हेर्नुहोस् सेलिब्रिटीको दशैंको टिका

नेपालीहरूको महान् चाड दशैंको दशौं दिन अर्थात् विजयादशमीको अवसरमा आज आफ्ना मान्यजनबाट टिका ग्रहण गर्ने क्रम चलिरहेको छ । नेपाली कला क्षेत्रका सेलिब्रिटीहरुले पनि विजयादशमीलाई धूमधामका साथ मनाएका छन् । 

नायक अनमोल केसीले आफ्ना हजुरबुबा, हजुरआमा, पिता भुवन केसी र आफन्तको हातबाट टीका लगाएका छन् । यस्तै, नायक पल शाहले पनि आफ्ना माता र पिताको हातबाट टीका ग्रहण गरेका छन् । 

यस्तै, विजयादशमीको अवसरमा कलाकारहरू केकी अधिकारी, पूजा शर्मा, प्रियंका कार्की, दीपाश्री निरौला, जितु नेपाल, गरिमा शर्मा, निराजन प्रधान, सुरक्षा पन्त, नीता ढुंगाना लगायतले टीका लगाएकाे तस्बिर सामाजिक सञ्जालमा पोष्ट गरेका छन् ।

निरन्तर फिल्म तथा म्युजिक भिडियोको काममा व्यस्त बनेका कलाकारलाई दशैंमा केही समय भएपनि परिवारसँग समय बिताउने अवसर प्राप्त हुँदै आएको छ ।  

कतिपयलाई फिल्म रिलिजको चटारोले छोएको छ भने कतिपयलाई फिल्म सुटिङको चटारोले छोएको छ । यो बिचमा दशैंमा केही दिन भएपनि आराम गर्न पाउँदा कलाकारहरू खुशी देखिन्छन् ।